حوش الربيع
كلمات: محمد الحسن سالم حميد
الحان واداء: محمد النصرى
يا مبيتانى الليل قوي
رجياني أجيب ليك الشمش
طالقنى فيك عكس الهوي وسابقانى
بى فسراع .. وأمش
*******
نقرشتى قلبى عشان يكون
يوم مهرجان سعفك .. برش
وأنا ما انقدت
حب العيون لا من يحاجينى الرمِش
ساعالى ناموس الشجون
وحامانى بى غنواتى أهش
مابين مرايات الظنون
فيك كل مرة
بلاقى وش
*******
بقبقتى بى ريح السراب
فانوس رؤاى والشوق عِطش
وصقعالى يى داك السحاب بار البروق
أوعك تطش
لا هسا يا بنية الغمام
الرش واديك مندهش
ليش لا قبض شتل الغرام
لا طيروا فيك سوالو عِش
نوبة المجاذيب إترخت
ودرويشي ينقز مندرش
وانا روحى تُقابة بخت ليها الله
لى رب العرش
*******
فى الظُلمة لسه بنات نعش
يابنية بارى العنقريب
ضارب العريجي حجر دغش
فى سكة الشوق الخبيب
إندهدهت راجى الهواء
وعود التباشير يملأ طيب
ينفخ مزامير الهوى
وعلى نقرة العشق الرهيب
تصدح معانينا السوي
وتسكت زنازين الوجيب
*******
وأنا بيكى ببقى الكون ندى
كل المواسم همبريب
لا ريدة تتحترب صدا لا ظن
حبيب فى حبيب يخيب
العمر بالبسمة إبتدأ والصرخة
ما صرخة نحيب
صرخة اريحية ورضا
وأنا راضى بي ذكراك نصيب
*******
يا بنية ما أكتر من بشر فى خير وشر
يختى ويصيب
يسعدنى أكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمة
لوكشر المطر
حوش الربيع الهمبريب