أنساكي كيف ومن مشاعري أشيلو ذكرك
ده يوم هنايا وسعدي وقت أكون بقـربك
يا الأغواني حنك ولما يقولو أسمي
بي رفة خاطر أحسك في جوايا وأناغم إسمك
يوم هنايا وسعدي وقت أكون بقـربك
نروي كل أشواقنا برشفات من عبقك
نذوب سوا ونتـدفق هــوى
ونقتسم عبير كاسات وفاك وحلمك
ياما أغراني كتير نور إحتفائك و فهمك
إلا خفته أبادر وتشيلي فيني القليل من ظنك
إني أسلاهو عبيرك وأهجر ريداً رتع في حضنك
وأنا بكل إحساسي ونُور بهاكي وطُهرك
طِرَّزته لوحة جميلة تحكي عني وعنك
تحكي عن وصالك وأشم بهاكي وقَـدرِك
عن كل رشفة من نور شفاهك خمرك
ده يوم هنايا وسعدي وقت أكون بقـربك
يا وهج النورأنا بيك مبهور وفي إشتياق لي شخصك
وأسمحيلي أكون بي قربك
وأبقى أول وآخر زول بحبك
ياني زولك الشاغل بالك بين إفصحاك وصمتك
في عِز منامك أو في قمة صحوك
وبين مستور صبواتكِ وشواغل همسِك
يلا موحي وسوحي وناغمي إنسانِك الخَدران بي حِنك
من سابع المحال لحظة يتخلى عنك
يا هو ملهوفك نُورة خدودك ونُجلك
أرضعتيهو حنانك وصفوات برك
ياني الطيف السارح بخيالك وسلواكي وحلمك
صدقيني يا الحنُونة الصادح طفلك
العهود الصادقة هي نفحة من أصالة وصلك
هـي ثمار هواكي وجنات قطفك
وأنا كم بهواك وكم بجلك وأتنزف تحنان وإبرك
بشيل الشيلا معاك وأبقى زاملك ورحلك
وأغنيلك سمح غناي وأسجعلك
الرئيسية 
اليومية
